وهو ماذا قدم نواب الاخوان المسلمون الى الشعب ونرجوا الالتزام باداب الحوار لنخرج بنتائج موضوعية تنفعنا وتنفع البلد
Sunday, November 15, 2009
Saturday, August 1, 2009
يا سبحان الله
انتخابات الاهلي تمت تحت اشراف قضائي
انتخابات مجلس الشعب و مجلس الشورى و حتى انتخابات الرئاسة تبقى تحت اشراف موظفين حكوميين!!!!!!!!
مش قادر اقول غير يا سبحان الله
Saturday, March 22, 2008
ما بتبقاش ناقصة
بعد غزوة احد لما المسلمين عصوا الرسول و انهزموا ربنا نزل قرءان "إن الذين تولوا منكم يوم التقى الجمعان إنما استذلهم الشيطان ببعض ما كسبوا و لقد عفا الله عنهم"......... "فاعف عنهم واستغفر لهم و شاورهم في الأمر"....... و بعد غزوة بدر مع إن المسلمين انتصروا انتصار غير مسبوق ربنا نزل قرءان يعاتب المسلمين على خطأ وقعوا فيه "يسألونك عن الأنفال قل الأنفال لله و الرسول فاتقوا الله و أصلحوا ذات بينكم إن كنتم مؤمنين" الفكرة إن الواحد لما يغلط و نتيجة لكده يفشل بيبقى كفاية عليه مرارة الفشل...بمعنى ان الفشل في حد ذاته هو اكبر عقاب..... ما بتبقاش ناقصة حد يعاتبه و يفضل يأنب فيه الواحد ساعتها اكتر حاجة بيبقى محتاجها إن حد يطبطب عليك و يقولك مش مشكلة و إيه يعني لما تغلط الدنيا ما خربتش يعني بكرة تحول الفشل ده لنجاح
Tuesday, January 15, 2008
سواق الريس
الميني باص متكدس بشر و مفيش مكان لواحد يقف على الباب و السواق مصر يقف لكل واحد يشاورله........
احد الركاب: بيقولك سواق الريس و هو سايق بالريس بيقف يحمل اتنين تلاتة من الطريق......
ويقولك ده رزق
احد الركاب: بيقولك سواق الريس و هو سايق بالريس بيقف يحمل اتنين تلاتة من الطريق......
ويقولك ده رزق
Sunday, September 9, 2007
و شوفي عهدي كان كام سنة
علي بيدندن بصوت عالي:
و اعتذري للي هيجي بعدي
و خليه يسامحني اصل انا
اخدت كل حاجة في عهدي
و شوفي عهدي كان كام سنة
مرسي: طب خد بالك علشان تامر مرفوع عليه قضية بسبب الاغنية دي
علي : اشمعنى؟
مرسي : علشان فيها معاني جارحة و خادشة للحياء
علي : يا ابني دول فاهمين غلط خالص
ده مش بيكلم حبيبته
و هو اللي بيتكلم عن حبيبنه يقول عن الوقت اللي قضاه معاها عهدي
ايه النوايا اللي زي الزفت دي
...ده بيوجه كلامه لمصر
مرسي : ايه؟؟ مصر!!!؟؟؟؟؟
علي : ايوه مصر...بس على لسان الريس
و اعتذري للي هيجي بعدي
و خليه يسامحني اصل انا
اخدت كل حاجة في عهدي
و شوفي عهدي كان كام سنة
مرسي: طب خد بالك علشان تامر مرفوع عليه قضية بسبب الاغنية دي
علي : اشمعنى؟
مرسي : علشان فيها معاني جارحة و خادشة للحياء
علي : يا ابني دول فاهمين غلط خالص
ده مش بيكلم حبيبته
و هو اللي بيتكلم عن حبيبنه يقول عن الوقت اللي قضاه معاها عهدي
ايه النوايا اللي زي الزفت دي
...ده بيوجه كلامه لمصر
مرسي : ايه؟؟ مصر!!!؟؟؟؟؟
علي : ايوه مصر...بس على لسان الريس
Sunday, August 26, 2007
ولد ولا بنت
التدوينة دي تأكيد على تدوينة امر واقع
علي: سمعت اخر خبر
مرسي: قول يا فقري
علي: بيقولك خديجة مرات جمال مبارك حامل
مرسي:لا يا راجل..و على كده حامل في ولد ولا بنت
علي: مش عارف الصراحة
مرسي: دي لو طلعت حامل في ولد تبقى كارثة
يبقى احنا كده قدامنا بتاع تمنين سنة ميت سنة قدام في القرف و التخلف اللي احنا عايشين فيه ده
علي: سمعت اخر خبر
مرسي: قول يا فقري
علي: بيقولك خديجة مرات جمال مبارك حامل
مرسي:لا يا راجل..و على كده حامل في ولد ولا بنت
علي: مش عارف الصراحة
مرسي: دي لو طلعت حامل في ولد تبقى كارثة
يبقى احنا كده قدامنا بتاع تمنين سنة ميت سنة قدام في القرف و التخلف اللي احنا عايشين فيه ده
Friday, August 17, 2007
امر واقع
شيخ البلد:الحقنا يا حضرة العمدة
العمدة: خير اللهم اجعله خير يا شيخ البلد....... مالك
شيخ البلد: الحفرة اللي في اخر البلد كل يوم يقع فيها اتنين تلاتة و عقبال ما حد يلافيه ويوديه المستشفى في اول البلد يكون مات
العمدة: طب اجمعلي الرجالة علشان نشوف حل للمشكلة دي
و بعد عرض المشكلة على الرجالة
الاول: لقيتها يا حضرة العمدة....احنا نوقف واحد جنب الحفرة اول لما حد يقع يلحق يروح يجيبله الاسعاف
شيخ البلد: ما ينفعش...المستشفى بعيدة و عقبال الاسعاف ما تيجي يكون الراجل مات
الثاني: لقيتها يا حضرة العمدة.....احنا نهد المستشفى و نبنيها جنب الحفرة
شيخ البلد: ما ينفعش....الموضوع ده محتاج شهور و ساعتها يكون ناس كتيير ماتت
العمدة: لقيتها يا رجالة.....احنا نردم الحفرة.....و نحفرها جنب المستشفى
*****تعليق: القصة دي فيها اسقاط
الحفرة دي رمز لحسني مبارك
90% من الناس بتتعامل معاه على انه امر واقع
نوقف واحد جنب الحفرة...نبني جنبها مستشفى...نحفرها جنب المستشفى
انما كده كده الحفرة موجودة
العمدة: خير اللهم اجعله خير يا شيخ البلد....... مالك
شيخ البلد: الحفرة اللي في اخر البلد كل يوم يقع فيها اتنين تلاتة و عقبال ما حد يلافيه ويوديه المستشفى في اول البلد يكون مات
العمدة: طب اجمعلي الرجالة علشان نشوف حل للمشكلة دي
و بعد عرض المشكلة على الرجالة
الاول: لقيتها يا حضرة العمدة....احنا نوقف واحد جنب الحفرة اول لما حد يقع يلحق يروح يجيبله الاسعاف
شيخ البلد: ما ينفعش...المستشفى بعيدة و عقبال الاسعاف ما تيجي يكون الراجل مات
الثاني: لقيتها يا حضرة العمدة.....احنا نهد المستشفى و نبنيها جنب الحفرة
شيخ البلد: ما ينفعش....الموضوع ده محتاج شهور و ساعتها يكون ناس كتيير ماتت
العمدة: لقيتها يا رجالة.....احنا نردم الحفرة.....و نحفرها جنب المستشفى
*****تعليق: القصة دي فيها اسقاط
الحفرة دي رمز لحسني مبارك
90% من الناس بتتعامل معاه على انه امر واقع
نوقف واحد جنب الحفرة...نبني جنبها مستشفى...نحفرها جنب المستشفى
انما كده كده الحفرة موجودة
Subscribe to:
Posts (Atom)